Шегірбаева Сара

№ 64. Ж.Аймауытов атындағы

көп салалы мектеп-гимназиясы

тарих пәнінің мұғалімі

Сабақ тақырыбы: «1836-1838 жылдардағы Бөкей Ордасындағы шаруалар көтерілісі».

Сабақ мақсаты:

Білімдік: Бөкей Ордасының құрылуы, Ішкі Ордадағы 1836-1839 жылдардағы шаруалар көтерілісінің бастал себептері, басты мақсаты, көтерілістің негізгі қозғаушы күші және көтерілістің болашақ басшылары Исатай мен Махамбеттер қызметінің тарихи ықпалы.

Тәрбиелік: Адамгершілікке, басқыншылық соғыс атаулыны жек көруге тәбиелеу.

Дамытушылық:Оқушыларды өз бетінше ой қорытып, оны жеткізе білуге дағдыландыру.

Сабақтың түрі: Сайыс сабақ.

Сабақтың әдісі: баяндау, әңгімелесу, сұрақ-жауап.

Тірек ұғым: Қазақстан тарихындағы Исатай мен Махамбеттің тарихи орны.

Сабақ көрнекілігі: ҚР картасы, саяси карта;

а) И. Тайманұлы бастаған көтеріліс ( 1836-1838 ж.ж )- карта,

б) Ішкі Орданың аумағы – карта.

Пәнаралық байланыс: әдебиет, орыс тілі, ағылшын тілі.

Тарихи оқиғалар: Желтоқсан оқиғасымен сабақты байланыстыру.

Сабақтың тақырыбы: § 11 «1836-1838 жылдардағы Бөкей Ордасындағы шаруалар көтерілісі».

Жоспар:

1. Бөкей Ордасының құрылуы. Шаруалар көтерілісінің басталу себептері және оның барысы.

2. Патшаның көтеріліске қарсы шаралары. Көтерілістің жеңілуі.

3. Көтерілістің салдары және тарихи маңызы.

Жаңа сабақтың тақырыбы: «Көтерілістің салдары және тарихи маңызы»

1. Көтеріліс жеңілген соң , ішкі Ордадағы халықтың жағдайы, салдары.

2. Көтерілістің тарихи маңызы.

3. Қорытынды.

Сабақтың барысы: І. Ұйымдастыру кезеңі.

а) Сәлемдесу;

ә) ҚР гимні;

б) Оқушыларды түгендеу;

II. Үй тапсырмасын сұрау.

III. Жаңа сабақ.

IV. Жаңа сабақты бекіту.

Үй тапсырмасын тексеру сұрақтары:

1. Бөкей Ордасының құрылуы ( картамен жұмыс ).

2. Кесте толтыру.

3. Ішкі Ордадағы көтеріліс ( 3 кезеңге бөлінеді, плакат )

4. Патшаның көтеріліске қарсы шаралары.

5. Исатай Тайманұлы басшылығымен болған шаруа көтерілісі.

6. «Ойлан тап» ойыны

7. Хронологиялық кесте.

8. Тест сұрақтары таратылады.

9. Карточкалық сұрақтар.

10. 2 топқа бөлінеді.

I топ: Исатай Тайманұлы

II топ: Махамбет Өтемісұлы

11. Пәнаралық байланыс.

12. Желтоқсан оқиғасы.

Кесте № 2

Ішкі Ордадағы көтеріліс үш кезеңге бөлінеді

I кезең 1836 жылдар- көтерілістің басты алғышарттарының қалыптасуы

II кезең 1837 жылдың басынан осы жылдың аяғына дейін-көтерілістің етек алған кезеңі, патша жазалаушы әскерімен, хан итаршыларымен қақтығыстар

III кезең 1837 жылдың желтоқсан айынан 1838 жылдың шілде айына дейін- көтерілісшілер күшінің әлсіреп, жеңілу кезеңі